साफ महिला च्याम्पियनसिप : भारत र श्रीलंका भिड्ने


आइतवार, चैत्र ३, २०७५

साफ महिला च्याम्पियनसिप : भारत र श्रीलंका भिड्ने

विराटनगर । साफ महिला च्याम्पियनसिप फुटबलअन्तर्गत आज भारतले श्रीलंकासँग प्रतिस्पर्धा गर्दैछ ।

विराटनगरको शहीद मैदानमा समूह चरणको अन्तिम खेलमा दिउँसो तीन बजे भारत र श्रीलंका भिड्नेछन् । समूह ‘बी’ को अन्तिम खेलमा आज श्रीलंकाले डिफेन्डिङ च्याम्पियन भारतसँग प्रतिस्पर्धा गर्न लागेको हो ।

दुवैै टिम जितको खोजिमा हुनेछन् । यो खेलले सेमिफाइनलमा प्रतिस्पर्धा गर्ने टिमको टुंगो लाग्नेछ । भारत र श्रीलंकाबीचको विजेताले समूह ‘ए’को उपविजेता बंगलादेशसँग प्रतिस्पर्धा गर्नेछ । त्यस्तै, भारत र श्रीलंकाबीच पराजित हुने टिमले समूह ‘ए’ को विजेता आयोजक नेपालसँग प्रतिस्पर्धा गर्नेछ ।

भारतले आफ्नो पहिलो खेलमा माल्दिभ्सलाई ६–० गोलअन्तरले पराजित गरेको थियो । यता, श्रीलंकाले पनि माल्दिभ्सलाई आफ्नो पहिलो खेलमा २–० गोलअन्तरले पराजित गर्दै सेमिफाइनलमा प्रवेश गरेको थियो ।

नेपालले भने बंगलादेशलाई समूह ‘ए’ को अन्तिम खेलमा ३–० गोलअन्तरले पराजित गर्दै समूह विजेता बनेको हो । आफ्नो पहिलो भुटानलाई ३–० गोलअन्तरले पराजित गरेको थियो ।

प्रकाशित मिति : आइतवार, चैत्र ३, २०७५ , ९:१३ बजे

प्रतिकृया दिनुहोस

सम्बन्धित समाचार

जनता टुडे मिडिया प्रा. लि
सम्पादक
वालकृष्ण भुसाल
समाचार सम्पादक
सिता गौतम बराल
वरिष्ठ संवाददाता
फूलु सुनार
सम्पर्क : ९८४७००९२८१, ९८६७११५१०३
तिलोत्तमा नगरपालिका-२, रुपन्देही
इमेल : [email protected]

कम्पनी दर्ता न  २२६१५४  ०७६/०७७
सुचना तथा प्रसारण बिभाग दर्ता न.  १६५३  ०७६/०७७
प्रेस काउन्सिल ३६९ ०७६/०७७


© 2020 janatatoday.com All Right Reserved | Site by : SobizTrend Technology