आज फागू पूर्णिमा अर्थात होली

जनता टुडे / बुधबार, चैत्र ६, २०७५

बुटवल ।आज फागू पूर्णिमा अर्थात रंगहरुको पर्व होली । बिभिन्न रङ, अविर र लोला खेली होली पर्व मनाइदै छ । आपसी मेलमिलाप र सदभावनाको सन्देश लिई देशका पहाडी भागहरुमा आज होली पर्व हर्षोल्सापूर्वक मनाइदैछ ।

नेपालका सबै जात जातिले मनाउने होली पर्व आज पहाडी क्षेत्रमा मनाउने गरिन्छ भने भोलि तराईमा मनाइन्छ । त्रेतायुगमा हिरन्यकश्यपु नामक दानवले आफ्नै छोरा भगवान भक्त प्रल्हादलाई मार्नका लागि आफ्नी बहिनी होलिकाका साथमा आगोमा पठाएका थिए ।

तर, प्रल्हादलाई आगोले केही नगरे पनि आगोले नजल्ने बरदान पाएकी होलिका भनें सो अग्निमा जलेर नष्ट भएको किम्बदन्ती होली पर्वसँग जोडिएको छ । हिन्दूहरुले यसलाई महत्वपूर्ण चाडका रुपमा लिने गरेको हुँदा होलीमा साथीभाइ, आफन्तहरुले एक आपसमा रङ्गहरू लगाएर मनाउने गरिन्छ ।

होलीकै भोलिपल्टबाट वसन्तब।ऋतुको आगमन हुने विश्वास छ । विशेषगरी, तराईमा विशेष उल्लाससाथ मनाइने होली पछिल्लो समय नाचगान गरेर, साथीभाइ आपसमा मिलेर मनाउने गरिएको छ ।

असत्यमाथि सत्यको विजय भएको उत्सवका रुपमा रङ दलेर यो पर्व मनाउने गरिन्छ । फागु पर्वका उपलक्ष्यमा सरकारले आज पहाडी जिल्लाहरुमा र भोली तराईका जिल्लाहरुमा सार्वजनिक बिदा समेत दिएको छ ।

तराईमा मुख्य रुपमा भोली होली मनाइने भएपनि बिभिन्न सस्थाहरुले भने आज होली मिलन सहित शुभकामना कार्यक्रम राखेका छन ।

बिद्यालय र कतिपय संघ सस्थाले हिजो नै होली देखि नै होली मनाउन लागेका छन । आज बुटवलमा बुटवल उद्योग वाणिज्य संघ, सञ्चारिका समूह, रोटरी क्लव, लायन्स क्लव लगायतका सस्थाले होली मिलन तथा शुभकामना कार्यक्रम राखेका छन ।