द्वन्द्वकालमा जमीनमुनि गाडेका हतियार बरामद


शुक्रबार, चैत्र ८, २०७५

द्वन्द्वकालमा जमीनमुनि गाडेका हतियार बरामद

अर्घाखाँची : अर्घाखाँची जिल्लामा प्रहरीले सर्च अभियान सञ्चालन गरेको छ । मालारानी गाउँपालिकाको वडा नं ३ र ५ को सिमानामा द्वन्द्वकालमा लुकाई राखेको हतियार बरामद गरेको छ।

मालारानी ३ को गँहेलीमा केही दिन अघि दुईवटा सकेट बम भेटीएको थियो । ती बम नेपाली सेनाको बम डिस्पोजल टोलीले डिस्पोज गरेको थियो।

शुक्रबार सोही क्षेत्रमा सर्च गर्दा २ वटा भरुवा बन्दुक र दुई वटा टुटु म्यागनम भेटिएको जिल्ला प्रहरी कार्यालय अर्घाखाँचीले जनाएको छ।

प्रहरीले जिल्लाका शकास्पद क्षेत्रमा सर्च अभियान सञ्चालन गरेको जिल्ला प्रहरी कार्यालयका प्रमुख नबराज मल्लले जानकारी दिए। ‘हामीले शंकास्पद स्थानमा सर्च अभियान सञ्चालन गरेका छौ । जिल्ला भर यो अभियान सञ्चालन हुन्छ’, उनले भने ।

जिल्ला प्रशासन कार्यालय अर्घाखाँचीले अवैध हातहतियार तथा खरखजाना ३५ दिनभित्र नजिकैको प्रहरी चौकी, जिल्ला प्रहरी कार्यालय र नेपाली सेनाको ब्यारेकमा बुझाउन आग्रह गरेको छ।

हातहरियार र खरखजाना राखेको भए चैत्र मसान्त भित्र बुझाउन सूचना जारी गरिएको प्रमुख जिल्ला अधिकारी प्रेमलाल लामिछानेले बताए।

प्रकाशित मिति : शुक्रबार, चैत्र ८, २०७५ , ८:१७ बजे

प्रतिकृया दिनुहोस

सम्बन्धित समाचार


© 2019 janatatoday.com All Right Reserved | Site by : SobizTrend Technology