अचानक अस्वस्थ भएपछि कांग्रेस नेता सिटौला अस्पताल भर्ना

जनता टुडे / शुक्रबार, चैत्र ८, २०७५

काठमाडौं- अचानक स्वास्थ्य स्थिति बिग्रिएपछि पूर्व गृहमन्त्री तथा कांग्रेस नेता कृष्णप्रसाद सिटौला अस्पताल भर्ना भएका छन्।

उनलाई शुक्रबार साँझ मन्डिखाटारस्थित ह्याम्स अस्पताल भर्ना गरिएको सिटौलाका स्वकीय सचिव किरण सिटौलाले देशसञ्चारलाई जानकारी दिए। सिटौलाको शरिरमा हेमोग्लोबिनको मात्रा कमी भएको छ।

उनलाई रगत दिइराखिएको र स्वास्थ्य स्थितिमा सुधार हुँदै गएको स्वकीय सचिव सिटौलाले जानकारी दिए। मुटुरोगका बिरामी सिटौलाको यसअघि नर्भिक अस्पतालमा ओपन हार्ट सर्जरी गरिएको थियो।