हावाहुरीमा पर्नेहरुको उद्धार जारी, आसपासका जिल्लाबाट सुरक्षाकर्मी खटाइए


सोमवार, चैत्र १८, २०७५

हावाहुरीमा पर्नेहरुको उद्धार जारी, आसपासका जिल्लाबाट सुरक्षाकर्मी खटाइए

काठमाडौँ — गएराति बारामा आएको हावाहुरीले बिचल्ली बनाएकाहरुको सोमबार बिहानैदेखि उद्धार सुरु गरिएको छ । बाराका प्रहरी उपरीक्षक (एसपी) सानुराम भट्टराईका अनुसार उद्दारका लागि हेटौंडा वीरगञ्जबाट थप प्रहरी झिकाइएको छ ।

उनका अनुसार बाराको तत्कालीन गाविस पुरहनिया- ३ र ६ नम्बर वडामा बढी क्षति पुगेको छ । उनले गएरातिदेखि नै उद्धार गरिएको भएपनि बिहानदेखि थप सुरक्षाकर्मी परिचालन गरिएको बताए ।

हावाहुरीले सिमेन्ट प्रयोग गरिएको तर पिलर नभएका घरहरु ढलेका कारण मानवीय क्षति बढी हुनसक्ने अनुमान गरेका छन्। उनले भने, ‘सिमेन्ट प्रयोग गरेपनि पिलर नहालिएका घरहरु ढलेका छन्। ती घरहरुले केहीलाई किचेको हुनसक्छ। हामीले उद्धार कार्य जारी राखेका छौं।’

उनले हावाहुरीमा पर्ने बालबालिका धेरै हुनसक्ने अनुमान गरेका छन्। भट्टराईले स्थानीय रेडक्रसले चाउचाउ र बिस्कुट बाँडिरहेको जानकारी दिए।

असिना र पानीसँगै आएको हावाहुरीले मध्य तराइको बारा, पर्सा र रौतहटमा ठुलो धनजनको क्षति भएको छ। हावाहुरीले बारा र पर्सामा आइतबार राति कम्तीमा २७ जनाको मृत्यु भएको सुरक्षा अधिकारीहरुले पुष्टि गरेका छन् ।

प्रकाशित मिति : सोमवार, चैत्र १८, २०७५ , ८:२३ बजे

प्रतिकृया दिनुहोस

सम्बन्धित समाचार


© 2019 janatatoday.com All Right Reserved | Site by : SobizTrend Technology