रौतहट,  । रौतहटमा आज ५३ जनामा कोरोना संक्रमण पुष्टि भएको छ । योसँगै रौतहटमा कोरोना संक्रमितको सख्या ४ सय ७४ पुगेको छ ।

आज संक्रमण पुष्टि भएका सबै भारतका विभिन्न सहरबाट भर्खरै रौतहट आएका नेपालीहरु रहेका छन् । संक्रमितहरु मध्ये गौर नगरपालिकाका २३ जना, राजपुर नगरपालिकाकाका १४ जना, इशनाथ नगपालिकाका १४ जना तथा कटहरिया नगरपालिकाका २ जना रहेका प्रमुख जिल्ला अधिकारी वासुदेव घिमिरेले जानकारी दिनुभयो ।

संक्रमितहरु सबैको स्वास्थ्य अवस्था सामान्य रहेको र उनीहरुलाई जिल्लाका विभिन्न स्थानमा रहेका आइसोलेसनमा लगेर उपचार गर्ने तयारी भइरहेको उहाँले बताउनुभयो ।

जिल्ला प्रशासन कार्यालयका अनुसार बुधबार दिउँसोसम्म जिल्लाका विभिन्न स्थानीय तहमा रहेका क्वारेन्टिनमा ७ हजार ९ सय ५५ जना रहेका छन् । जसमध्ये ७ हजार ६ सय ३ पुरुष र ३ सय ५२ महिला रहेका छन् ।

त्यसैगरी क्वारेन्टाइनबाट घर फर्कनेको संख्या २ हजार ८ सय ४० रहेको छ । जिल्लामा अझैपनि ६ हजार बढीको स्वाव परीक्षणको रिर्पोट आउन बाँकी रहेकाले संक्रमितको संख्या अझै बढ्न सक्ने अनुमान गरिएको छ । जिल्लामा भारतबाट आउने क्रम अझैपनि जारी रहेको छ ।

।