सिरहा-कोरोना भाइरस संक्रमणका कारण सिरहाका एक युवकको मृत्यु भएको छ । सिरहामा कोरोनाका कारण मृत्यु भएको यो नै पहिलो घटना हो ।

कोरोना सङ्क्रमणका कारण ज्यान गुमाउनेको संख्या ६६ पुगेको छ ।

गोलबजार नगरपालिका –१२ का २२ वर्षीय युवकको बीपी कोइराला स्वास्थ्य विज्ञान प्रतिष्ठान धरानमा उपचारका क्रममा मृत्यु भएको हो । ती युवककमा बुधबार मात्रै कोरोनाको संक्रमण पुष्टि भएको थियो ।

शव व्यवस्थापनका लागि नेपाली सेनालाई जिम्मा लगाउने तयारी भइरहेको जिल्ला स्वास्थ्य कार्यालय सिरहाका प्रमुख कृष्णदेव यादवले जानकारी दिए । उनका अनुसार दुवै मृगौलामा समस्या रहेका युवा केही समयदेखि नियमित डाइलासिस गराउँदै आएका थिए ।

डाइलासिस गराउने क्रममा जनकपुरमा उनको स्वाब संकलन गरेको थियो। पीसीआर रिर्पोट पोजेटिभ देखिएपछि उनलाई धरानमा उपचारका लागि पठाइएको थियो।