संक्रमण दर उच्च रहेको छिमेकी मुलुक भारतमा एकै दिन ९६ हजार बढी कोरोना भाइरसका संक्रमित थपिएका छन् ।

पछिल्लो २४ घण्टामा ९६ हजार सात सय ६० जनामा संक्रमण देखिएपछि भारतमा हालसम्म संक्रमित हुनेको संख्या ४५ लाख ५९ हजार सात सय २५ पुगेको छ । भारतमा कोरोनाका कारण ७६ हजार तीन सय चार जनाको मृत्यु भइसकेको छ । एक दिनमा एक हजार दुई सय १३ जनाले ज्यान गुमाए ।

३५ लाख ३९ हजार नौ सय ८३ जना संक्रमित उपचारपछि घर फर्किएका छन् । नौ लाख ४३ हजार चार सय ३८ जना उपचाररत रहेकोमा आठ हजार नौ सय ४४ जनाको अवस्था गम्भीर छ ।

कोरोनाबाट विश्वमै सबैभन्दा बढी प्रभावित अमेरिकामा पछिल्लो २४ घण्टामा ३५ हजार नौ सय ३६ जनामा संक्रमण देखिएको छ । पछिल्लो केही समयदेखि अमेरिकामा दैनिक संक्रमित हुनेको संख्या कम हुँदै गइरहेको छ । हालसम्म ६५ लाख ८५ हजार दुई सय ८८ जनामा संक्रमण पुष्टि भइसकेको छ ।

एक लाख ९६ हजार एक सय ३२ संक्रमितको मृत्यु भइसक्यो । २४ घण्टामा आठ सय ९४ जनाको ज्यान गयो । ३८ लाख ७५ हजार छ सय ६६ जना संक्रमित उपचारपछि घर फर्किएका छन् । २५ लाख १३ हजार चार सय ९० जना उपचाररत रहेकोमा १४ हजार पाँच सय ८६ जनाको अवस्था चिन्ताजनक छ ।

ब्राजिलमा दैनिक भेटिने संक्रमित संख्या कम हुँदै गइरहेको छ । पछिल्लो २४ घण्टामा ४० हजार चार सय ३१ जना नयाँ बिरामी थपिएसँगै कोरोना पुष्टि हुनेको संख्या ब्राजिलमा ४२ लाख ३९ हजार सात सय ६३ पुगेको वाल्डो मिटरले जनाएको छ ।

एकै दिन नौ सय २२ जनाले ज्यान गुमाएसँगै कोरोनाका कारण मृत्यु हुनेको संख्या एक लाख २९ हजार पाँच सय ७५ पुगेको छ । ३४ लाख ९७ हजार तीन सय ३७ जना उपचारपछि कोरोना पराजित गर्न सफल भएका छन् । छ लाख १२ हजार आठ सय ५१ जना उपचाररत रहेकोमा आठ हजार तीन सय १८ जनाको अवस्था गम्भीर छ ।

विश्वमा एकै दिन दुई लाख ९७ हजार नौ सय दुई जना संक्रमित थपिएसँगै कोरोना पुष्टि हुनेको संख्या दुई करोड ८३ लाख १२ हजार नौ सय ८६ पुगेको छ । कोरोनाका कारण नौ लाख १३ हजार ७७ जनाले ज्यान गुमाए । पछिल्लो २४ घण्टामा पाँच हजार सात सय ७७ जनाको मृत्यु भयो ।

दुई करोड तीन लाख २५ हजार छ सय ३४ जना उपचारपछि घर फर्किएका छन् । ७० लाख ७४ हजार दुई सय ७५ जना उपचाररत रहेकोमा ६० हजार आठ सय ५० जनाको अवस्था चिन्ताजनक छ ।