काठमाडौं – एमालेको विधान महाधिवेशनका कारण लुम्बिनी प्रदेश सभाको बुधबारका लागि बोलाइएको बैठक स्थगित भएको छ । प्रमुख प्रतिपक्षी दल नेकपा एमाले संसदीय दलले पार्टीको विधान महाधिवेशनमा सहभागी हुनुपर्ने कारण देखाएपछि सभामुख पूर्णबहादुर घर्तीले बैठक सारेका हुन् ।

यसअघि सूर्य चिन्हबाट चुनाव लडेका र कारबाहीमा परेका २ सांसदलाई पद मुक्त भएको सूचना प्रकाशित नगरेको भन्दै एमालेले निरन्तर संसद् बैठक अवरोध गरिरहेको थियो । यही कारण यसअघि ३ पटक बोलाइएको बैठक स्थगित भएको थियो ।

प्रदेश सभा बैठक अब असोज २० गते बुधवार दिउँसो १ बजे बस्ने छ।