सैनामैना- सैनामैना नगरपालिकामा भूमिहीन दलित,भूमिहीन सुकुम्बासी र अव्यवस्थित बसोबासीलाई जग्गा वितरण गर्न नापजाँचको काम सुरु गरेको छ । सैनामैना वडा न. १ को बनकट्टाबाट शुक्रबारदेखि जग्गा नापजाँचको सुरुवात गरिएको छ । सैनामैना नगरपालिका नगर प्रमुख फणेन्द्र प्रसाद शर्माले सैनामैनाका सबै सुकुम्बासीलाई लालपुर्जा वितरण गर्ने प्रतिवद्द्ता व्यक्त गर्नुभयो । जनताको सुकुम्बासी समस्या समाधान गर्न संविधानता सरकारले एक पटकका लागी सबै सुकुम्बासीलाई लालपुर्जा वितरण गर्ने बताउनुभयो । आयोगले गर्ने सबै काममा आवश्यक पर्ने सहयोग र सहकार्यका लागि नगरपालिका तयार रहेको बताउँदै सबै राजनीतिकदल, जनप्रतिनिधिहरु, कर्मचारी र स्थानीय नागरिक, पत्रकारहरु सबैले भूमि समस्या समाधान गर्नका लागि भूमिका खेल्न नगर प्रमुख शर्माले आग्रह गर्नुभएको छ । राष्ट्रिय भूमि आयोग रुपन्देहीका अध्यक्ष हरि बहादुर आचार्यले जग्गा नापी गर्ने क्रममा नापी टोलीलाई सहयोग गरिदिन आग्रह गर्नुभएको छ। उहाँले भन्नुभयो, नापी सुरु भए पनि पहिलेको जस्तै धोका हुने हो कि ‘नापी त सुरु भयो तर, पहिलेको जस्तै ढिलासुस्ती गर्ने हुन कि। चुनावी नारा मात्र हुन् कि !’, भन्ने जनतामा आशंका उत्पन्न भएको होला । उहाँले संविधानले प्रदत्त गरेको अधिकारले भुमिहिन दलित , सुकुम्बासीलाई भोगचलन गरे अनुसारको जग्गा दिने भनिएको छ र एक पटकका लागि सबै सुकुम्बासीलाई जग्गाधानि लाजपुर्जा उपलब्ध गराउने छौँ ढुक्क हुनुस् । अध्यक्ष आचार्यले जग्गा नापजाँचमा ‘जग्गाधनी समयमा आएनन्। विवाद भयो भने काममा ढिलाई हुनसक्छ’, उहाँले भन्नुभयो, ‘अब बर्खा लाग्दै छ लगत्तै चुनाव नजिक आउदै छ। काम ढिलाभयो भने लालपुर्जा पाउने काममा पनि ढिलाई हुनसक्छ तसर्थ उहाँले कामलाई समयमा सम्पन्न गर्नको लागि जनप्रतिनिधि, राजनीतिदल, स्थानीय सबैले मिलेर काम गर्न आवश्यक रहेको बताउनुभयो । वडा नम्बर १ का अध्यक्ष भुवन सिंह क्षेत्रीले बर्सौदेखि बसोबास गर्दै आएका भुमिहिनलाई जग्गा आफ्नै नाममा गर्ने गरी काम अगाडि बढाइएकाले जग्गा नापीमा सहयोग गर्न आग्रह गर्नुभयो । उनले जग्गा नापीका लागि पहिलो वडा नम्बर १ छनोट गरेकोमा धन्यावाद दिदैँ आफु र जनप्रतिनिधिहरुकाे सहयोग रहने प्रतिबद्धता जनाउनुभयो । उनले शुक्रबारदेखि वडा नम्बर १ मा नाप जाँचको काम सुरु भएको र त्यस लगत्तै आइतबारदेखि वडा नम्बर ७ र १० मा पनि जग्गा नापजाँचकाे काम सुरु हुनेछ ।