द हिमांशु डिजाइनर रनवे सिजन ४ का विजेताहरूले  अाइतबार खाद्यान्न हस्तान्तरण गरेका छन् । बुटवल ४ पाल्पाराेडमा रहेकाे बुटवल अनन्त जीवन चर्च साथै वृद्धा पालनपाेषणमा रहेका वृद्धवृद्धाहरूकाका लागि विजेता साथै हिमांशु बुटिक एण्ड ट्रेनिङ सेन्टरमा तालिम लिइरहेका विद्यार्थीहरूले साे सहयोग गरेका हुन् । गत चैत्र २९ गते सम्पन्न भएकाे प्रतियोगिताका विजेताहरू र विद्यार्थीहरूले सामाजिक सेवामा अाफूहरूलाई समर्पित गर्दै साे सहयोग गरेको हिमांशु बुटिक एण्ड ट्रेनिङ सेन्टरका अध्यक्ष हिरा पेग्नीले जानकारी दिइन् ।

साथै द हिमांशु डिजाइनर रनवे सिजन ४ का सेभेन्थ रनरअप डिजाइनर वन्दना राना र राजकुमारी गुरुङलाई अाइतबार नै राष्ट्रिय आविष्कार केन्द्रका संस्थापक वैज्ञानिक महावीर पुनद्वारा अवार्ड प्रदान गरिएकाे हाे ।

यो अाफ्नाे लागि एदकमै सुखद संयोग रहेकाे सेन्टरका अध्यक्ष पेग्नीकाे भनाइ छ । साथै साेही अवसरमै विद्यार्थीहरूले महावीर पुनको पुस्तक किनेर पनि सहयोग गरेकाे पेग्नीले बताइन् ।