बुटवल -लुम्बिनी प्रदेशका अार्थिक मामिला तथा याेजना मन्त्री धनेन्द्र कार्कीले समाज रुपान्तरणका लागि बुटवल लेडी जेसीजले महत्त्वपूर्ण याेगदान गरेकाे बताएका छन् । बुटवल लेडी जेसीजकाे अायाेजनामा सञ्चालन भैरहेकाे जेसीज सप्ताहकाे समापन गर्दै मन्त्री कार्कीले बुटवल महिला जेसीजले विकासका चारवटै क्षेत्रलाई महत्त्व दिएकाे बताए । साथै अागामी दिनमा
बुटवल लेडी जेसीजलाई हरेक प्रकारका सहयाेग गर्ने प्रतिवद्धता व्यक्त गरे ।

कार्यक्रममा नेपाल जेसीजका राष्ट्रिय कार्यकारी उपाध्यक्ष जेसीअाई सिनेटर सन्दीप अग्रहरी , नेपाल जेसीजका राष्ट्रिय उपाध्यक्ष गणेश सापकाेटा , नेपाल जेसीजका राष्ट्रिय अध्यक्ष गणेश सापकाेटा , सल्लाहकारहरू बालकुमारी भण्डारी , सिनेटर राधिका पाेखरेल , अनुपमा श्रेष्ठ , निवर्तमान अध्यक्ष कमला लम्साल साथै रामग्राम  लेडी जेसीजका अध्यक्ष विनिता खड्कालगायतले बाेलेका थिए ।
अध्यक्ष संगीता ढकालले बुटवल लेडी जेसीजकाे भवन मर्मत सम्हारका लागि अर्थ मन्त्रीलाई अाग्रह गरेकी छन् ।
जेसीज सप्ताहअन्तर्गत महिला स्वास्थ्य सचेतना , साैन्दर्यकला सेमिनार , तिलाेत्तमा ४ मा रहेकाे ज्येष्ठ नागरिक मिलन केन्द्रमा भाेजन अर्पण तथा भजन कृतन , नेतृत्व विकास , शैक्षिक अन्तरसंवादजस्ता महत्त्वपूर्ण कार्यक्रमहरू सम्पन्न गरेकाे मूल संयाेजक सपना ज्ञवाली गैह्रेले जानकारी दिए ।
जेसीज अास्था वाचन जेसी अञ्जली पन्थले गरेकी थिइन् भने मिसन भिजन जेसी अमिशा अर्यालले गरेको थिइन् । मूल संयाेजक कार्यकारिणी उपाध्यक्ष जेसी सपना ज्ञवाली गैह्रेले स्वागत गरेकाे कार्यक्रम महासचिव रूपा श्रेष्ठकाे सञ्चालन रहेको थियो ।