बुटवल-बुटवलमा सञ्चालन भएको उद्यमशिलता विकास तालिम सम्पन्न भएको छ । उद्योग वाणिज्य तथा उपभोक्ता हित संरक्षण निर्देशनालय सिद्धार्थनगरको आयोजना र मोनालिसा ब्युटिहोम एण्ड ट्रेनिङ सेन्टरको सहआयोजनामा कार्यक्रम सम्पन्न भएको हो ।कार्यक्रमलाई सम्बोधन गर्दे प्रमुख अतिथी नेपाल घरेलु तथा साना उधोग माहासंघमहिला उद्यमी समिती लुम्बिनी प्रदेश अध्यक्ष शान्ता शर्माले जुनसुकै पेसा ब्यवसायी र सिप सकेर बसेको सबैजनालाई सफल व्यवसायी बन्ने भन्ने विषयमा तालिम केन्द्रित रहेको बताउनुभयो। उहाँले लघु घरेलु तथा साना उद्योगको विकास र विस्तार अहिलेको आवश्यकता रहेकाले सीप सिकेर व्यवसाय गर्न दिगो आर्थिक विकास हुने धारणा व्यक्त गर्नुभयो ।

बुटवल वडा नम्बर १२ मा सञ्चालन भएको १० दिने उद्यमशिलता विकास तालिममा सहभागीहरुलाई व्यवसाय सचेतना सम्बन्धी तालिम दिइएको उद्योग वाणिज्य तथा उपभोक्ता हित संरक्षण निर्देशनालय प्रमुख एवम प्रमुख प्रशिक्षक नारायण न्यौपानेले जानकारी दिनुभयो । तालिममा अधिकृत जेदुराम पन्थी
अधिकृत सुवास पौडेल ,नायब सुब्बा जीवलाल भुसाल लगायतले प्रशिक्षण दिनुभयको थियो ।
तालिममा विभिन्न क्षेत्रका २१ जना नयाँ उद्यमीहरुको सहभागिता रहेको थियो ।तालिमका सहभागिहरुलाई एक कार्यक्रमकाबिच प्रमाण पत्र प्रदान गरिएको थियो ।