दाङ, राप्ती स्वास्थ्यविज्ञान प्रतिष्ठान र शहीद गङ्गालाल राष्ट्रिय हृदय केन्द्रबिच मुटुरोग उपचारमा सहकार्य हुने भएको छ । प्रतिष्ठानका रजिष्ट्रार प्रा।डा। श्याम लम्साल र केन्द्रका निर्देशक डा. रवि मल्लबीच मुटु रोग उपचारमा सहकार्य गर्ने सम्झौता भएको प्रतिष्ठानका रजिष्ट्रार प्रा। डा। श्याम लम्सालले जानकारी दिनुभयो ।

सम्झौतामा राप्ती प्रतिष्ठानले शहीद गङ्गालाल राष्ट्रिय हृदय केन्द्रलाई रिफरल सेन्टर बनाउने भएको उहाँले बताउनुभयो । यस्तै राप्ती प्रतिष्ठानका विद्यार्थी र प्रशिक्षार्थीहरू शहीद गङ्गालाल राष्ट्रिय हृदय केन्द्रमा अभ्यासका लागि उपस्थित हुने सम्झौतामा उल्लेख छ ।

राप्ती प्रतिष्ठानका विद्यार्थीले शहीद गङ्गालाल राष्ट्रिय हृदय केन्द्रमा अधिकतम ६ महिनाका लागि प्रयोगात्मक अभ्यास गर्न सक्ने र त्यसबापत लाग्ने शुल्क प्रतिष्ठानले बुझाउने सम्झौता भएको प्रतिष्ठानका रजिष्ट्रार प्रा. डा. लम्सालले जानकारी दिनुभयो ।