काठमाडौं , कोलम्बिया फिफा विश्वकप २०२६ को नकआउट चरणमा प्रवेश गरेको छ।

दोस्रो चरणको अन्तिम प्रतियोगिता अन्तरगत समूह ‘के’ मा डीआर कंगोलाई १–० ले हराउँदै ६ अंकका साथ अन्तिम ३२ मा स्थान बनाएको हो। मेक्सिकोको स्टाडियो ग्वाडालाजारामा भएको खेलको एक मात्र गोल ड्यानिएल मुनोजले गरे।

खेलको ७६ औं मिनेटमा मुनोजले कंगाको पेनाल्टी एरियामा पाएको बललाई गोलमा परिणत गरे। यो समूहमा पोर्चुगल चार अंकमा दोस्रो स्थानमा छ।

कंगो एक अंकमै सीमित रहेर तेस्रो स्थानमा रह्यो। उज्वेकिस्तान भने शून्य अंकमा पुछारमा छ। समूह चरणको अन्तिम खेलमा कोलम्बियाले पोर्चुगलको सामना गर्नेछ भने कंगो र उज्वेकिस्तान भिड्ने छन्।