काठमाण्डौ –सुनको मूल्यले आइतबार नयाँ रेकर्ड कायम गरेको छ । आज सुनको मूल्य अहिलेसम्मकै महंगो तोलाको ९६ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

शुक्रबार प्रतितोला ९५ हजार ८ सय रुपैयाँमा कारोबार भएको छापावाल सुन आइतबार प्रतितोलामा ५ सय रुपैयाँले बढेर ९६ हजार ३ सयमा कारोबार भइरहेको छ ।

यस्तै, तेजाबी सुन प्रतितोला ९५ हजार ८ सय ६० रुपैयाँमा कारोबार भरहेको छ ।

यसैगरी, आज चाँदीको मूल्य पनि बढेको छ । आइतबार चाँदी प्रतितोलामा ५ रुपैयाँले बढेर १ हजार १ सय ५५ रुपैयाँमा कारोबार भइरहेको महासंघले जनाएको छ ।