बुटवल-लुम्बिनी प्रादेशिक अस्पतालको आइसोलेसनमा उपचाररत कोरोना संक्रमित महिलाको बिहीवार मृत्यु भएको छ ।

रुपन्देहीको सैनामैना ११, सालझण्डीकी ७७ वर्षीया महिलाको बिहीबार बिहान साढे ४ बजे मृत्यु भएको कोरोना विशेष अस्पताल बुटवलका फोकल पर्सन डा.सुदर्शन थापाले बताउनुभयो ।उनको इमरजेन्सी एक्स्पर्ट टेस्टबाट पीसीआर परीक्षण गर्दा संक्रमण पुष्टि भएको थियो । उनलाइ बुधबार साँझ ७ बजे अस्पताल ल्याइएको थियो ।

गत ३ दिनदेखि खोकी लाग्ने, ज्वरो आउने र श्वासप्रश्वासमा समस्या भएकी महिलालाई अक्सिजन दिई उपचार गरिएको र श्वास लिन नसकेपछि मृत्यु भएको डा. थापाले जानकारी दिनुभयो। हाल लुम्बिनी प्रादेशिक अस्पतालको आइसोलेसनमा २ जना कोरोना संक्रमित उपचाररत छन् ।