बुटवल-रुपन्देहीमा बुधबार ४२ जना कोरोना भाइरसका संक्रमित थपिएका छन्। जसमध्ये १८ जना महिला र २४ जना पुरुष रहेका छन् ।

स्वास्थ्य कार्यालयका अनुसार सिद्धार्थनगर भैरहवामा २४ जना, बुटवलमा ७ जना , कोटहीमाइमा ५ जना, देवदहमा २ जना, लुम्बिनी सांस्कृतिक नगरपालिकामा २ जना, शुद्धोधन र मायादेवी गाउँपालिकामा १–१ जना संक्रमित थपिएका छन् ।

रुपन्देहीमा कूल संक्रमित मध्ये ६५८ जना संक्रमित निको भएका छन भने ७१८ जना उपचाररत अवस्थामा रहेका छन् त्यस्तै १४ जना कोरोना संक्रमितको मृत्यु भएको छ ।यो सँगै रुपन्देहीमा कोरोना संक्रमितको कूल संख्या १ हजार ३९० पुगेको स्वास्थ्य कार्यालय रुपन्देहीले जनाएको छ ।