बुटवल– बुटवल धागो कारखानामा रहेको बुटवल कोरोना विशेष (अस्थायी)अस्पतालमा उपचाररत  पश्चिम नवलपरासी र कपिलवस्तुका एक–एक जना संक्रमितको मृत्यु भएको छ । अस्पतालका अनुसार मृतक दुबैजनाको सात दिनदेखि भेन्टिलेटरमा राखेर उपचार भैरहेको थियो ।
कलेजो र मिर्गौलाका दीर्घ रोगी नवलपरासी पश्चिमको रामग्राम नगरपालिका–३ का ४९ वर्षीय पुरुषको बिहीबार बिहान ४ बजे मृत्यु भएको हो । उनी गत भदौ २७ गते अस्पताल भर्ना भएका थिए ।
यस्तै कपिलवस्तुको बुद्धभूमि नगरपालिका–६ का ५० वर्षीय पुरुषको बिहान ७ बजे मृत्यु भएको हो । अस्पतालका सूचना अधिकारी डा. विष्णु गौतममका अनुसार उनी मधुमेह र मिर्गौलाका दीर्घ रोगी थिए । उनी असोज १ गते अस्पताल भर्ना भएका थिए ।