बुटवल-निरन्तरको अबिरल बर्षासँगै तिनाउ नदीमा आएको बाढीले बुटवल उपमहानगरपालिका वडा नम्बर १७ रानीगंज बस्तिमा दुई घर बगाएको छ ।

तिनाउ नदीमा आएको बाढीले बिहिबार दिउसो स्थानीय प्रेम कुमारी खाँम्चा र मंगली नेपाललीको टिनले छाएको ब्लकको घर बगाएको बुटवल उपमहानगरपालिका वडा नम्बर १७ का वडा अध्यक्ष सन्त बहादुर रानाले जानकारी दिनुभयो ।बाढिले मानविय क्षति भने भएको छैन ।

सोहि स्थानकै अन्य १५  घर जोखिममा रहेका छन । सुकुम्वासी वस्ती रहेको तिनाउ नदी तटिय क्षेत्रमा ३ हजार बढी घर धुरी रहेका छन ।

तिनाउ नदीले खतराको तह नाघे पछि तिनाउ नदीको तटीय क्षेत्र र आसपासमा रहेका नागरिकहरुलाई उच्च सतर्कता अपनाउन बाढी पूर्वानुमान महाशाखाले आग्रह गरेको छ ।