काठमाडौं । प्रदेश ५ को नाम र राजधानी तोक्नका लागि मतदान  सुरु भएको छ ।

सभामुख पूर्ण बहादुर घर्तीले मतदान प्रक्रियाहरु उल्लेख गरेपछि मतदान सुरु भएको हो ।

मतदानको पक्षमा मत खसाल्ने सांसदहरु प्रदेशसभा १ नम्बर ढोकाबाट बाहिरिएका छन् भने मतदानको विपक्षमा मत खसाल्ने सांसदहरु २ नम्बर ढोकाबाट बाहिरिएका छन् ।

प्रदेशसभामा पेस भएको नाम र राजधानीको प्रस्तावको पक्षमा मतदान गर्न सत्तारुढ नेपाल कम्युनिस्ट पार्टी (नेकपा) संसदीय दलले ह्वीप जारी गरेको छ ।

यस्तै कांग्रेसले विपक्षमा मतदान गर्न आफ्ना सांसदहरुलाई ह्वीप जारी गरेको छ । प्रदेशका कुल ८७ सांसदमध्ये ६१ जना नेकपाका मात्रै छन् । यस्तै कांग्रेसका १९ सांसद छन् ।

प्रतिपक्षी कांग्रेसका केही सांसदहरूले पार्टीकाे ह्वीप नमान्ने अडान कसेका छन् । राजधानी र नामबारे आजै टुंगो लाग्नेछ ।