नेपाल आयल निगमको जग्गा खरिद प्रकरणमा अनियमितता गरेको आरोप लागे पनि पंहुचका कारण अख्तियार दुरुपयोग अनुसन्धान आयोगलाई समेत प्रभावमा पारेका तत्कालिन आपूर्ति मन्त्री दीपक वोहोरा अहिले रुपन्देही क्षेत्र नं ३ वाट प्रतिनिधि सभामा प्रत्यासी वनेका छन ।
वोहोरालाई नेकपा एमालेले सघाएको छ । कानुनविदहरुका अनुसार अख्तियारले यो प्रकरणको फाइल खोलेको भए वोहोरा यसरी चुनाव लड्न योग्य हुने थिएनन् ।
के हो प्रकरण ?
२०७२ सालमा भारतले नाकाबन्दी गरे पछि नेपाल आयल निगमको भण्डारण क्षमता बढाउने भन्दै ४ ठांउमा भण्डारणको लागि ५ अर्ब २८ करोडमा प्रक्रिया विपरीत जग्गा खरिद गरेको थियो । जग्गा खरिद गर्दा निगमका कर्मचारी र बिचौलियाको मिलेमतोमा किसानसङ सस्तोमा खरिद गरी निगमलाई महँगोमा विक्री गरेको पाइएको हो ।
महालेखा परीक्षकको कार्यालयले यो जग्गा खरिद प्रकरणमा १ अर्ब ३४ करोड रुपैयाँ अनियमितता भएको प्रतिवेदन तयार पारेको थियो ।
बोहराको संलग्नता
आयल निगमले २०७३ साल कार्तिक ९ गते झापा सर्लाही चितवन र रुपन्देहीमा जग्गा खरिद गर्ने निर्णय गरेको थियो । भने यो निर्णय गर्नु अगाडी २०७३ साउन २० गते बोहरा आपूर्ति मन्त्रीमा नियुक्त भएका थिए । सरोकारवाला मन्त्रीको स्वकृति विना अर्वौको जग्गा खरिद गर्ने कुरामा आयल निगमको नेतृत्व एक्लै अगाडि वढ्ने अवस्था नहुने सरकारी अधिकारीहरू वताउछन ।
अख्तियारले यो प्रकरणमा परेको मुद्दाका फाइलहरू लामो समय सम्म अड्काएर राख्यो । अन्ततः कोरोनाकालमा यो फाइललाई तामेलीमा राखेको पाइएको छ ।
जानकारहरूका अनुसार पर्याप्त प्रमाणसहित दर्ता भएको भ्रष्टाचारको उजुरीमा संलग्न व्यक्तिहरूलाई जोगाउनुपरे लामो समयसम्म ‘फाइल अनुसन्धानमा छ’ भनी प्रतिक्रिया दिने र कालान्तरमा त्यो विषय नै ओझेलमा परेपछि तामेलीमा राख्ने अख्तियारको शैली छ । अख्तियारको यस्तै शैलीका कारण बोहरा जोगिएको चर्चा त्यतीवेलै भएको थियो ।
गृह जिल्लामा खेल
जग्गा प्रकरणमा अनियमितता भएको शंका लागे पछि संसदीय समितिले छानबिन समिति नै बनाएर छानबिन गरेको थियो । सो संसदीय समितिले तयार पारेको प्रतिवेदनमा बोहराको गृह जिल्ला रुपन्देहीको जग्गा खरिदमा पनि व्यापक अनियमितता भएको उल्लेख गरेको छ । सो प्रतिवेदमा जग्गा उपलब्ध गराउने गरी छनौट भएका हरि प्रसाद पोखरेल र नारायण प्रसाद उपाध्यायले जग्गाधनीसङ २ देखि ४ लाख रुपैयाँमा खरिद गरी आयल निगमलाई ११ देखि १९ लाख प्रति कठ्ठाका दरले विक्री गरेको पाइएको छ ।
रुपन्देहीमा आयल निगमले खरिद गरेको जग्गा भैरहवा वाट करिब ७ किलोमिटर पूर्व रोहिणी नदीको बगरको जग्गा हो । राजनीतिक शक्तिकेन्द्रको पंहुचमा जानीजानी जोखिमयुक्त जग्गा खरिद गरेको आरोप पनि निगमलाई लाग्दै आएको छ ।