तिलोत्तमा-संयुक्त परिवर्तनशील युवा शक्तिले चापकोट-१, स्याङ्जाको भानु मा. वि. मा नेतृत्व विकास तालिमसँगै विज्ञान तथा प्राविधिक शिक्षा एवं कानुनी सचेतना कार्यक्रम सम्पन्न गरेको छ । रुपन्देहीको तिलोत्तमामा रहेकाे संयुक्त परिवर्तनशील युवा शक्तिले सामाजिक उत्तरदायित्वअन्तर्गत साे कार्यक्रम गरेको हाे । कार्यक्रममा प्रमुख अतिथि चापकोट न.पा. वाड नं. १ का वडाध्यक्ष भुपराज वोस्तीले कार्यक्रमप्रति सकारात्मकता व्यक्त गरे । उनले सिकाइ निरन्तर चलिरहने प्रकिया भएको बताएका थिए । दुई दिन साउन २७ र २८ गते भएको कार्यक्रममा कक्षा ९ ,११ र १२ का गरी ३५ जना विद्यार्थीको सहभागिता रहेको थियो । पहिलो दिन कार्यक्रममा नेतृत्व सीपसम्बन्धी तालिम भएकाे थियाे । साे तालिममा प्रशिक्षकका रुपमा संस्थाका अध्यक्ष नवीन गौतम र सल्लाहकार आशिष ढकालले नेतृत्व सम्बन्धी सैद्धान्तिक र व्यवहारिक नेतृत्वसिप तालिम प्रदान गरेका थिए । कार्यक्रमको दोस्रो दिन विज्ञान प्रविधि एवं कानुनी सचेतना कार्यक्रम सम्पन्न भएको थियो । कार्यक्रम संस्थाका सदस्य दिया डुम्रे , अनुष्का खड्का , आयुषा खड्का र प्रविन वोस्तीले प्रस्तुति दिएका थिए । कार्यक्रममा सक्रियरुपमा संलग्न सहभागी विद्यार्थीसँगै शिक्षकहरुले पनि प्रभावकारी तालिम रहेको प्रतिक्रिया जनाएका थिए । विद्यालयका प्र.अ. विनु प्रसाद पराजुलीले आयोजकप्रति धन्यवाद व्यक्त गरे । कार्यक्रममा जनक अर्यालले सौजन्य गरेको रकमबाट १० जना विद्यार्थीलाई शैक्षिक सामग्री वितरण पनि गरिएको थियो । समापन कार्यक्रममा सहभागीहरुलाई प्रमाणपत्र वितरण गरिएको थियो । संस्थाको शाखा कमिटी गठन गरी बधाई तथा शुभकामना दिदैँ सबैलाई उमेरले भन्दा सोँचले युवा भई समाज परिवर्तनको संवाहक बन्न अाग्रह गरिएको थियो ।  कार्यक्रममा संस्थाका सदस्यहरु विपिन भट्टराई, सुसान पौडेल र अश्विन गौडेलले बाेलेका थिए । संस्थाका अध्यक्ष नवीन गौतमकाे अध्यक्षता रहेकाे कार्यक्रमको सञ्चालन संस्थाका सचिव सागर बस्यालले गरेका थिए ।