बुटवल। नेपाल पत्रकार महासंघ रुपन्देहीले १ लाख राशीको उत्कृष्ट पत्रकारिता पुरस्कार मूल्यांकनका लागि समिति गठन गरेको छ।

नेपाल पत्रकार महासंघ रुपन्देहीको सचिवालय बैठकले अग्रज पत्रकार खिमानन्द भट्टराईको संयोजकत्वमा पत्रकारहरु विष्णुप्रसाद घिमिरे र लक्ष्मण पौडेल सदस्य रहेको समिति गठन गरेको हो ।

बुटवल उपमहानगरपालिका र नेपाल पत्रकार महासंघ रुपन्देहीको सहकार्यमा स्थापित पुरस्कार आगामी वैशाखमा वितरण गरिने अध्यक्ष दिनेश पाण्डेले जानकारी दिए। समितिले रुपन्देहीका पत्रकारमध्येबाट आवेदन आह्वान गरी उत्कृष्ट समाचार र फिचरलाई पुरस्कारका लागि छनोट गर्ने छ।

यस्तै, बुटवल उपमहानगरपालिकासँगकै सहकार्यमा स्थापित सूर्यप्रसाद स्मृति विकास पत्रकारिता पुरस्कार२०८१ का लागि अग्रज पत्रकार भरत केसीको संयोजकत्वमा ५ सदस्यीय मूल्यांकन समिति गठन गरेको छ।

समितिको सदस्यमा पत्रकारहरु माया गौतम, रुद्रहरि कुँवर, भगवती पाण्डे र तेजेन्द्र केसी रहेका छन्।

५०–५० हजार राशी रहेको यो पुरस्कार एकजना महिला पत्रकार र एकजना खुला आवदेनबाट छनोट हुने पत्रकारले प्राप्त गर्ने सचिव सी।पी। खनालले जानकारी दिए।

समितिले रुपन्देहीका पत्रकारमध्येबाट आवेदन आह्वान गरी विकास पत्रकारितासँग सम्बन्धित उत्कृष्ट समाचार र फिचरलाई पुरस्कारका लागि छनोटगर्ने छ।