बुटवल , भारतको ऊर्जा मन्त्रालयले प्रेस विज्ञप्तिमार्फत् नेपाललाई आउँदो डिसेम्बर ३१ तारिख अर्थात् आउँदो पुस १६ गतेसम्म राति १२ बजेदेखि बेलुका ६ बजेसम्म विद्युत् उपलब्ध गराउने निर्णय भएको जनाएको छ ।

भारतले नेपाललाई दैनिक ६५४ मेगावाट बिजुली दिने भएको हो ।

मुजफ्फरपुर–ढल्केबर ४०० केभी डबल सर्किट प्रसारण लाइनमार्फत अधिकतम ६०० मेगावाट र टनकपुर–महेन्द्रनगर १३२ केभी सिङ्गल सर्किट प्रसाइनमार्फत ५४ मेगावाट विद्युत् उपलब्ध गराइनेछ ।

भारतले सन् २०२७ जनवरीदेखि हुने विद्युत् निर्यात भने सन् २०२६ डिसेम्बरमा समीक्षा गरिने उल्लेख गरेको छ । भदौ १० गते भोटेकोशी नदीमा आएको बाढीका कारण जलविद्युत् आयोजनाका पूर्वाधारमा ठूलो असर परेको छ ।

भारतले यो कठिन अवस्थामा नेपाललाई सहयोग गर्न तथा ऊर्जा क्षेत्रमा दुई देशबीचको द्विपक्षीय सहकार्यलाई थप सुदृढ बनाउन प्रतिबद्ध रहेको पनि जनाएको छ ।