बुटवल : शुद्धता र आपसी सद्भावका रूपमा प्रचलित छठ पर्व तराईका साथै देशका विभिन्न स्थानमा हर्षोल्लासपूर्वक मनाइँदै छ । छठ पर्वको मुख्य दिन आज साँझ अस्ताउँदो सूर्यलाई पूजा आराधना गरी अघ्र्य दिइँदैछ ।

कार्तिक शुक्ल चतुर्थीदेखि सप्तमीसम्म मनाइने सूर्यदेवको आराधना, उपासना र पूजाको यो पर्व बुधबारदेखि सुरु भएको हो । पहिला तराई बासीमा मात्र सीमित रहेको यो पर्व अहिले , पहाडी क्षेत्र र अन्यत्र पनि लोकप्रिय बनेको छ।

यस पर्वमा अस्ताउँदो र उदाउँदो सूर्यको पूजा गरिन्छ । वेदमा सूर्यलाई ऐश्वर्यको रूपमा र ऋगवेदमा सूर्यलाई नै सबै देवताको स्रोत मानिएको उल्लेख छ । सृष्टिका सबै जीव र वनस्पति सूर्यको तापबाट नै बाँचेका छन् । महाभारतमा पनि सूर्यलाई सम्पूर्ण जगतका प्राणीसित सम्बद्ध भएको उल्लेख गरिएको छ ।

छठ पर्वको दिन सरकारले सार्वजनीक विदा भने दिएको छैन । प्रदेश नम्बर दुइमा विदा गरिएको छ त्यस्तै प्रदेश पाँच मा भने सार्वजनिक विदा दिइएको छैन ।