बुटवल । बुटवलमा जारी प्रथम स्मृति कप अन्तर विद्यालय नकआउट छात्र फुटलब प्रतियोगिता अन्तरगत आइतबारको पहिलो खेलमा अक्सफोर्ड मावि विजयी भएको छ ।

एक्सिस स्कूल र अक्सफोर्डबीच भएको खेलमा अक्सफोर्ड ४-० को भारी गोल अन्तरले विजयी भएको हो ।

यस्तै कुँवरवर्ती इङलिस बोर्डिङ स्कूल र देवदह इङलिस बोर्डिङ स्कूलकाबीच भएको दोस्रो खेलमा कुँवरवर्ती ३-१ गोल अन्तरले विजयी भएको स्मृति स्पोर्टस क्लबका अध्यक्ष महेश खनालले जानकारी दिए ।

त्यस्तै सोमबारको पहिलो खेल नविन औद्योगिक कदरबहादुर रीता मावि र सैनामैनाको प्रभात माविबीच हुनेछ । भने, दोस्रो खेल सेन्ट जोसेफ मावि र नमूना बोर्डिङ स्कूल भलुहीकाबीच हुनेछ ।

प्रतियोगितामा रूपन्देहीको संस्थागत र निजी विद्यालयका गरी २८ विद्यालय सहभागी छन् ।

प्रतियोगितामा प्रथम हुनेले नगद ५१ हजार एक सय ११ रूपैयाँ मेडल र प्रमाणपत्र पाउनेछ । त्यस्तै द्वितीयले नगद २५ हजार एक सय ११ रूपैंयाँ प्राप्त गर्नेछ । प्रतियोगिता मंसिर २९ गतेसम्म चल्नेछ ।