बुटवल । मदन भण्डारी स्र्पोटस एकेडेमी बुटवल उपमहानगरपालिका कमिटिले बुटवलमा रक्तदान कार्यक्रम गरेको छ ।

एकेडेमीको स्थापना दिवसको अवसरमा नियमित कार्यक्रम अन्तरगत चौथौ पटक खुल्ला रक्तदान कार्यक्रम गरिएको अध्यक्ष विकासजंग बस्नेतले बताए ।

कार्यक्रमको उद्घाटन गर्दै बुटवल उपमहानगरपालिकाका उप नगरप्रमुख गुमादेवि आचार्यले रक्तदानमा बुटवल नगरका युवाबाट नमुना अगुवाई भएको बताए ।

बडा न ६ का वडा अध्यक्ष जगदिशचन्द आचार्य, युवा संघ नेपालका केन्द्रिय सदस्य केशव रोक्का, जिल्ला सचिव कृष्ण थापाले सामाजिक परिवर्तनमा युवाहरुको महत्वपूर्ण योगदान रहेको बताए ।

नेपाल रेडक्रस सोसाईटी, रक्तसंचार केन्द्र बुटवलको प्राविधिक सहयोगमा बुटवल ट्राफिक चोकमा गरीएको कार्यक्रममा ५ जना महिलासहित ५० जनाले रक्तदान गरेका थिए ।