बुटवल
प्रदेश ५ सरकारले लुम्बिनी प्रादेशिक अस्पताल बुटवलको मेडिकल सुपरिटेन्टमा डा. राजेन्द्र प्रसाद खनाललाई नियुक्त गरेको छ ।
प्रदेश सरकारको सोमवार वसेको बैठकले ११औ तहका डां खनाललाई मेसुमा नियुक्त गर्ने निर्णय गरेको बैठक पछि आयोजित पत्रकार सम्मेलनमा सरकारका प्रवक्त तथा भौतिक पुर्वाधार मन्त्री वैजनाथ चौधरीले बताउनु भयो ।
यस अघि अस्पतालमा कार्यरत मेसु डा. कृष्ण खनाल उम्मेर हदका कारण यही मंसिर १ गते देखि अनिवार्य अवकास लिनु भएको थियो ।
त्यसै गरि सरकारले कानुन मशौदा आयोगका सदस्य खुमाकान्त पौडेल , प्रदेश लोक सेवा आयोगका सदस्य,र सुचना प्रविधी आयोगका सदस्यको पारिश्रमिक तथा सेवा सुविधा दिने निर्णय गरेको मन्त्री चौधरीले बताउनु भयो ।
बैठकले बाँके जिल्लाको जानकी गाउपालिकाको केन्द्र वडा नम्बर ४ वाट परिवर्तन गरि वडा नम्बर ३ को मानपुरमा कायम गर्ने गरि केन्द्रिय सरकारलाई सिफारिस गर्ने निर्णय गरेको छ ।
प्रदेश सरकारले प्रदेशको प्रत्येक निर्वाचन क्षेत्रमा एउटा पर्ने गरि स्माट कृषि गाउँ बनाउने गरि स्वीकृत्त दिने निर्णय गरेको सरकारका प्रवक्ता चौधरीले बताउनु भयो ।
त्यसैगरि प्रदेश सरकारले कृषि तथा पशु पंक्षीमा परिणाम मुखि बनाउनका लागि कृषि तथा पशु पंक्षी सम्बन्धी मिशन कार्यक्रम २०७६ पारित गरेको छ ।