काठमाडौं – सर्वोच्च अदालतले लकडाउनको बेला खाने बस्ने व्यवस्था नभएपछि पैदल हिँडेर घर जान थालेका सर्वसाधारणलाई सुरक्षित तरिकाबाट गन्तव्यमा पुर्‍याउन आदेश जारी गरेको छ ।

राजमार्गमा सवारी साधनको व्यवस्था गरी निशुल्क रुपमा गन्तव्यमा पुर्‍याउन न्यायाधीशहरु आनन्दमोहन भट्टराई र सपना प्रधान मल्लको इजलासले आदेश जारी गरेको हो ।

सर्वोच्चले विकल्पको अभावमा बाध्यतामा परी हाल काठमाडौं लगायतका सहरहरुबाट पैदल नै घर फर्किन थालेकाहरुलाई सुरक्षित सुरुमा गन्तव्यमा पुर्‍याउनु राज्यको प्राथमिक दायित्व भएको जनाएको छ ।

यसरी घर फर्किएकाहरुको र्‍यापिड टेष्ट गर्न समेत सर्वाेच्चको आदेशमा उल्लेख छ ।

घर फर्किदै गरेका महिला, बालबालिका, जेष्ठ नागरिक, शारीरिक रुपमा अस्वस्थ व्यक्तिहरुको विशेष सुरक्षा गर्नु पर्ने आदेशमा उल्लेख छ ।