1. रुपन्देहीको तिलोत्तमामा बुधबार साँझ कारको ठक्करबाट एक जनाको मृत्यु भएको छ । सिद्धार्थ राजमार्गको बुटवल–भैरहवा सडक खण्ड अन्तरगत तिलोत्तमा–१५ मधवलियामा कारको ठक्करबाट कोटिहवा बस्ने वर्ष ४० कि शान्ता केसीको मृत्यु भएको प्रदेश ट्राफिक प्रहरी कार्यालय बुटवलले जनाएको छ ।

बुटवलदेखि भैरहवातर्फ जाँदै गरेको बा ५ च ६७१० नम्बरको कारले बाटो क्रस गर्दै गर्दा केसीलाई ठक्कर दिएको थियो । कारको ठक्करबाट घाईते भएकी शान्तालाई मणिग्राम स्थित क्रिमसन अस्पतालमा उपचार गर्दै गर्दा मृत्यु भएको प्रदेश ट्राफिक प्रहरी कार्यालयका सूचना अधिकारी प्रहरी नायव उपरिक्षक डिल्लिनारायण पाण्डेले जानकारी दिए ।