तिलोत्तमा-रुपन्देहिको तिलोत्तमा नगरपालिकामा एक हप्ता पूर्णलकडाउन घोषणा गरिएको छ । नगरपालिकाको बैठकले भदौ ३ गते बेलुका ७ बजे देखि भदौ १० गते सम्मको लागि लकडाउन गर्ने निर्णय गरेको हो ।

सुरक्षा निकाय, राजनीतिक दल, तिलोत्तमा उद्योग वाणिज्य संघ, चेम्बर अफ कमर्श, उद्योग–व्यापार संगठनका प्रतिनिधिहरुको समेत उपस्थितिमा भदौ २ गते बसेको संकट व्यवस्थापन केन्द्र (सिसीएमसी)को बैठकले एक हप्ता पूर्णलकडाउन गर्ने निर्णय गरेको नगरपालिकाले जनाएको छ ।

लकडाउन अवधिमा अवधिमा दुग्ध डेरी÷डिपो बिहान ६ देखि ८ बजेसम्म बाहेक सबै प्रकारका पसल व्यवसाय, उद्योगधन्दा, कलकारखाना, निर्माण कार्य, बैंक, वित्तीय संस्था, सहकारी, सरकारी तथा गैरसरकारी संस्थाका कार्यालय, सम्पूर्ण सवारीसाधन तथा साइकल सञ्चालन समेत पूर्णतः बन्द गरिएको नगर प्रवक्ता सुरेन्द्र श्रीले जानकारी दिनुभयो ।

नगरभित्र ६४ जनामा कोरोना सङ्क्रमण पुष्टि भएकोमा २८ जना आइसुलेशनमा छन भने ३६ जना निको भएर घर फर्किसकेका छन् ।