काठमाडौँ : अविरल वर्षाका कारण गत जेठ २८ गतेदेखि देशका विभिन्न स्थानमा आएको बाढी, पहिरोलगायतका विपद्‍मा परी आजसम्म ८८ जनाको मृत्यु भएको छ।

नेपाल प्ररहीका अनुसार काठमाडौँ उपत्यकामा १, कोशी प्रदेशमा १९, मधेश प्रदेशमा ४, बागमती प्रदेशमा ५, गण्डकी प्रदेशमा २५, लुम्बिनी प्रदेशमा २३, कर्णाली प्रदेशमा ४ र सुदूरपश्चिम प्रदेशमा ७ गरी जम्मा ८८ जनाको मृत्यु भएको हो। देशभर गरेर अहिलेसम्म १०६ जना घाइते भएका छन्।

प्रहरीले आज सार्वजनिक गरेको विवरण अनुसार कोशी प्रदेशमा ४१, गण्डकी प्रदेशमा १२ जनागरी ५३ जनाको उद्धार गरिएको छ। बाढी पहिरोमा परी कोशी प्रदेशमा २, बागमती प्रदेशमा २, गण्डकी प्रदेशमा १ र सुदूरपश्‍चिम प्रदेशमा १ गरी ६ जना बेपत्ता भएका छन्।

बाढीका कारण १७६ घर डुबानमा परेका छन्। विपद्‍का घटनाबाट ३ हजार ४६२ परिवार विस्थापित भएका छन्।