काठमाडौं ।
नेपाली कांग्रेसले अवरोध गरेपछि आधा घण्टाका लागि स्थगित भएको बैठक सूचना टाँसगरी पर्सी आइतबारसम्मका लागि स्थगित गरिएको छ ।

कांग्रेस उपसभापति एवम् संसदीय दलका उपनेता विजयकुमार गच्छदारविरुद्ध अख्तियार दुरुपयोग अनुसन्धान आयोगले मुद्दा दायर गरेपछि कांग्रेसले प्रतिनिधिसभाको बैठक हिजोदेखि अवरुद्ध गर्दै आएको छ ।

अख्तियर दुरुपयोग अनुसन्धान आयोगले सरकारको प्रभावमा परी आफ्ना नेतामाथि मुद्दा दायर गरेको तर, यसप्रकरणमा ’दोषि देखिएका’ नेकपा नेताहरुलाई उन्मुक्ति दिन खोजिएको कांग्रेसको आरोप छ । प्रतिनिधिसभाको अर्को बैठक आइतबार १ बजे बस्नेछ ।