बुटवल  –  बुटवल अटो ईन्जिनियरिङ एशोसिएसन बुटवल वडा नंं २ ले मजदुरहरुलाई राहत सामाग्री वितरण गरेको छ । लकडाउनको समयमा दैनिक ज्यालादारी गर्न नपाएका मजदुरहरुलाई एशोसिएसनले राहत सामाग्री वितरण गरेको हो । एशोसिएसनका अध्यक्ष बावुलाल पाण्डेले लकडाउनको समयमा सवै वर्कशप बन्द भएको र मजदुरहरुलाई खानका लागि समस्या भएपछि राहत सामाग्री वितरण गरिएको बताए । एशोसिएसनले शनिबार मात्रै ७० परिबारलाई राहत वितरण गरेको उनले बताए ।नेपाल मदिरा व्यवसायी महासंघका केन्द्रीय सदस्य एवं

समाजसेवी लिलाधर लुईटेलको व्यवस्थापनमा मजदुरहरुलाई राहत सामाग्री वितरण गरिएको हो । परिबारको संख्या हेरी एशोसिएसनले १५ के.जी चामल, दाल, नुन, सावुन प्रदान गरेको थियो । उक्त राहत बुटवल उपमहानगरपालिकाका वडा अध्यक्ष रमेश नेपालको रोहवरमा एशोसिएसनका अध्यक्ष पाण्डे सहित उपाध्यक्ष कृष्ण न्यौपाने, लेखा संयोजक चन्द्रमणी भण्डारी, सदस्यहरु सुर्य सुवेदी, देवि पौडेलले वितरण गरेका हुन । एशोसिएसनले २ दिन अघि मात्र ३२ परिबारलाई राहत दिएको थियो । अध्यक्ष पाण्डेका अनुसार मजदुर संगै दैनिक ज्यालादारी गरिव परिबारका लागि पनि अब राहत वितरण गरिनेछ । त्यसका लागि तयारी गरिएको छ ।