काठमाडौं- जनता समाजवादी पार्टीका नेता राजेन्द्र महतोले संविधान प्रति असन्तुष्टि भएपनि राष्ट्रीयताको मुद्दामा आफ्नो पार्टी एक ठाउँमा उभिएको बताएका छन् ।

संविधान संसोधन माथिको दफाबार छलफलका क्रममा नेता महताले राष्ट्रियताको मुद्दामा जनता समाजवादी पार्टी एकजुट रहेको बताए । उनले आफ्नो पार्टीले दर्ता गराएको प्रस्तावको विषयमा पनि बिचार गर्न सरकारलाई आग्रह गरे ।

उनले संविधान संसोधनपछि भारतसँग छलफल गरी आफ्नो भूमि फिर्ता ल्याउनु पर्ने बताए । नेपाल भारतका जनताबीच सम्बन्ध रहेका बताउँदै दुबै देशले छलफल गरी समस्या सामधान गर्नुपर्ने बताए ।