विश्व स्वास्थ्य संगठन (डब्लुएचओ) ले कोरोना महामारीबाट जित हासिल गर्ने आशा अझै पनि बाँकी भएको बताएको छ ।

विश्वभर कोरोना संक्रमितको मृत्युको तथ्यांक सात लाख र कोरोना संक्रमितको संख्या दुई करोड पुगिसक्दा पनि कोरोना महामारीलाई हराएर जित हासिल गर्न सक्ने बताएको हो । डब्ल्यूएचओले पूरा संसारलाई प्रभावित गरिरहेको महामारीसँग जुध्नका लागि उठाइएका कदमहरूमा कहिले पनि ढिलाइ नभएको स्पष्टिकरण दिएको छ ।

डब्ल्यूएचओका प्रमुख टेड्रनेस एडहनम गेब्रियाससले महामारीका कारण गुमेको प्रत्येकको जीवन मूल्यवान रहेको बताएका छन् । महामारीका कारण धेरैजना यतिबेला पीडामा रहेको र संसारका लागि अहिले धेरै गाह्रो समय भएको भए पनि यो महामारीलाई नियन्त्रण गर्न अझैसम्म ढिलाइ नभएको गेब्रियाससले स्पष्ट पारेका छन् ।