बुटवल । बुटवल उद्योग वाणिज्य संघको सोमबार बसेको कार्यसमितिको बैठकले आउदो माघको अन्तिम साता बुटवलमा संघको आयोजनामा हुने कृषि मेलाको तयारी तिब्र बनाउने निणर्य गरेको छ ।

वालमन्दिर स्थित संघको कार्यालयमा बसेको बैठकले कृषि मेलाको आयोजकमा प्रदेश नम्वर ५ को सरकार कृषि सहकारी तथा भूमि व्यवस्था मन्त्रालय र प्रवद्र्धकमा बुटवल उपमहानगरपालिका सहित छिमेकी स्थानिय तहलाई राख्ने निणर्य गरेको छ ।

बैठकले कृषि मेलामा स्टल सहभागिता लागि किसान र व्यवसायीक प्रतिष्ठान तथा संघ सस्थाहरुलाई आब्हान गर्दै प्रदेश नम्वर ५ अन्र्तगतका सम्भव भएसम्मका सबै स्थानीय तहमा पत्राचार गरी त्यहा भएका कृषि उत्पादन, कृषक समुह र प्रबिधिलाई सहभागि गराउने निणर्य गरेको संघका कार्यकारी सचिव सञ्जय ज्ञवालीले जानकारी दिए ।

संघका अध्यक्ष तथा कृषि मेलाका संयोजक खिम बहादुर हमालको सभापतित्वमा बसेको बैठकमा मेलाका लागि गठित बिभिन्न उपसमितिका संयोजकहरुले अहिलेसम्म भएका तयारीका सम्वन्धमा जानकारी गराएका थिए ।