बुटवल-विश्वज्योति बचत तथा ऋण सहकारी संस्था लिमिटेडको २२ औ वार्षिक साधारणसभा आज सम्पन्न भएको छ ।
सहकारीका अध्यक्ष हेम बहादुर विश्वकर्माको अध्यक्षता एवम लुम्बिनी प्रदेश सहकारी दर्ता अधिकारी मधुसुदन पौडेलको प्रमुख आतिथ्यतामा कार्यक्रम सम्पन्न भएको हो।
कार्यक्रमलाई सम्बोधन गर्दै  लुम्बिनी प्रदेश सहकारी दर्ता अधिकारी मधुसुदन पौडेलले पछिल्लो समयमा केही सहकारीमा विकृति देखिएको बताए ।  उनले सहकारीको मूल्य  मान्यता  र मर्मलाई बुझेर अगाडि बढेमा सहकारीमा समस्या सृजना नहुनेमा जाेड दिए । प्रमुख अतिथि उनले सहकारी संस्था सञ्चालन गर्न नियामक निकाय नभई सेयर सदस्य , सञ्चालक समिति र कर्मचारी एकले अर्कालाई नियन्त्रण गर्दै काम गरेमा समस्या नहुने बताए ।

कार्यक्रममा विशिष्ट अतिथि नेफस्कुनका प्रदेश अध्यक्ष कृष्ण नेपालले अहिले सबै सहकारी ठग्ने  प्रकृतिको हुन भन्ने  भाष्य सृजना भएको र यसको समाधानको निम्ति सेयर सदस्य , व्यवस्थापक र नियामक निकाय चनाखो हुनुपर्ने बताए।

कार्यक्रममा सहकारीका अध्यक्ष हेम बहादुर  विस्वकर्माले आ।व। २०८१÷८२को वार्षिक प्रतिवेदन,  लेखा सुपरीवेक्षण समितिको प्रतिवेदन र  कोषाध्यक्षको प्रतिवेदन प्रस्तुत गरी सर्वसम्मतले पारित गरेको छ ।

बुटवललाई कार्यक्षेत्र बनाएको सहकारीले पछाडि पारिएको वर्ग समुदायकाको  नेतृत्व व्यवस्थापनका क्षेत्रमा काम गरेको छ । संस्थाले विभिन्न विधामा सम्मान पनि गरेको छ । नियमित बचत गर्ने सदस्य , असल ऋणदाता शेयर सदस्य वृद्धि गर्न सहयोग र १२ कक्षा उत्तीर्ण गर्ने सेयर सदस्यको छोराछोरीलाई सम्मान गरिएको छ ।
एकका लागि सबै र सबैका लागि एक भन्ने मुल नाराका साथ २०५९ सालमा स्थापना भएको सहकारीमा शेयर पूजी १० करोड ३० लाख ४ हजार, १ सय लगानीमा रहेकोमा शेयर सदस्यमा ऋण लगानी रु १० करोड ३६ लाख ४ हजार ६ सय २९ र निक्षेप बचत १० करोड ६० लाख ६८ हजार, १ सय २ रहेको छ भने सहकारीमा हालसम्म ९ सय  ५६ जना शेयर सदस्यहरु आवद्ध रहेका छन् । त्यस्तै बाल बचतकर्ता ६७ जना आवद्ध रहेका छन् ।
कार्यक्रममा संस्थापक अध्यक्ष सिताराम रसाइली,सल्लाहकार प्रेम सेन्चुरी ,सल्लाहकार जोगलाल विश्वकर्मा संरक्षक , रेवन्त विश्वकर्मा ,सेयर सदस्य बिमला गहतराज लगायतले बोलेका थिए।
संस्थाका अध्यक्ष  हेम बहादुर विश्वकर्माको अध्यक्षता रहेकाे कार्यक्रममा उपाध्यक्ष डम्बरबहादुर सुनारको स्वागत सचीव ओम प्रकाश सुनारको सञ्चालनमा सप्पन्न भएको हो ।