रुपन्देही । अर्घाखाँचीको मालारानीमा जीप दुर्घटना हुँदा २ जनाको घटनास्थलमै मृत्यु भएको छ ।

दुर्घटनामा अर्का दुई जना गम्भीर घाइते भएका छन् । लु २ च २९९० नम्बरको डवलक्याप जिप लुटीपोखरीदेखि खनदह जाँदै गरेको अवस्थामा ढुङ्गागाडेमा दुर्घटनामा परेको हो ।

सडकबाट २ सय ५० मिटर भन्दा तल खसेको हो । रातिको समयमा सडकबाट धेरै तल अप्ठ्यारोमा जिप खसेकाले उद्धारमा समेत समस्या भएको बताइएको छ

दुर्घटनामा परि जिल्ला अर्घाखाँची मालारानी गाउँपालिका ४ का २१ वर्षीय दिलीप खनाल सोही ठाउँका २३ वर्षीय वालकृष्ण रिजालको मृत्यु भएको छ भने सोही ठाउँकै भुवन पोखरेल र वसन्त पोखरेल गम्भीर घाइते भएका छन् ।

घटनास्थलमा पुगेका ट्राफिक प्रहरी कार्यालय अर्घाखाँचीका प्रमुख निरज गौतमका अनुसार गम्भीर घाइतेहरूलाई सन्धिखर्कमा सामान्य उपचार गरी थप उपचारका लागि बुटवल पठाइएको छ । घटनाको बारेमा थप अनुसन्धान भइरहेको छ ।