प्रदेश ५ का बिभिन्न जिल्लाको भ्रमणमा निस्किएका पुर्व राजा ज्ञानेन्द्र शाह कपिलवस्तु पुग्नुभएको छ । कपिलवस्तु पुग्नुभएकाका पुर्व राजा शाहले जिल्लाको बुद्धभुमीनगरपालिका वडा नम्बर २ को पशुपतिनाथ मन्दिरमा पुगी धार्मिक बिधी अनुसारको पुजा गर्नुभयो ।

मन्दिरमा पुर्व राजा शाह प्रवशे गर्ने क्रममा बटुकहरुले स्वस्ती बाचन गर्नुभयो । पुर्व राजा शाहले करिब १५ मिनट सम्म मन्दिरमा गणेश, कलस र शिवजीको पुजा गर्नुभयो । पुर्व राजालाई स्वागत गर्न गोरुसिंङ्गे देखी मन्दिर सम्मको करिब १ किलोमिटरको दुरीमा नागरिकहरु लाम लागेका थिए ।

पुर्वराजा शाहको स्वागतमा ठुलो संख्यामा जनसहभागी हुदाँ आफुहरु उत्साहित भएको मुल आयोजक समितीका संयोजक भिष्म बन्जाडेले जानकारी दिनुभयो । राजा राष्ट्रियताको प्रतिक भएको बिषय अमम नागरिकले स्पष्ट रुपमा बुझेको बताउदै बन्जाडेले पछिल्लो समय गणतन्त्रबादीको गतिबिधीले नागरिकलाई निराश बनाएको स्पष्ट पार्नुभयो ।