बीरगञ्ज : सशस्त्र प्रहरीले वीरगञ्जबाट ३ किलो चरेशसहित एक जनालाई पक्राउ गरेको छ ।

वीरगंज महानगरपालिका-१६ भन्सार मुलगेटबाट सशस्त्र प्रहरीले भारत कलकत्ता घर भएका ३६ वर्षीय एकलाख शेखलाई पक्राउ गरेको हो ।

सशस्त्र प्रहरीको भन्सार गुल्मबाट खटिएको टोलीले भन्सार मुलगेटमा चेकजाँचका क्रममा उनको शरीरबाट तीन किलो चरेश बरामद गरेको थियो ।

नेपालबाट भारत रक्सौलतर्फ जाँदै गर्दा शरीरमा सेटिङ्ग गरी चरेश लुकाएर लैजाँदै गर्दा शेखलाई पक्राउ गरिएको गुल्म प्रमुख सशस्त्र प्रहरी नायब उपरीक्षक (डीएसपी) तिलक खडकाले जानकारी दिए ।

पक्राउ परेका शेखलाई आवश्यक कारबाहीका लागि जिल्ला प्रहरी कार्यालय, पर्सामा बुझाइएको सशस्त्र प्रहरीले जनाएको छ ।