दाङ । भुमि व्यवस्था कृषि तथा सहकारी मन्त्रालय प्रदेश नम्बर ५ बुटवलको आयोजनामा भुुुमुहिन किसान लागि करार खेती अनुदान सम्बन्धमा दाङ्ग जिल्लाको लमहीमा अन्तरक्रिया कार्यक्रम गरेको छ ।

कार्यक्रममा बोल्दै प्रदेश ५ भुमि व्यवस्था कृषि तथा सहकारी मन्त्री आरती पौडेलले अव सधैंको लागि भुमिहिनको मसस्या समाधानको लागि प्रदेश सरकार लागिपरेको बताईन् ।

कार्यक्रमको शुभारम्भ गर्दै उनले भुमिहिन किसानहरुलाई भुमि भाडामा लिएर उनीहरुले लिएको भाडा सरकारले तिर्ने गरी करार खेती अगाडी बढाएको भन्दै उनले यसमा उत्साहित रुपमा सहभागी हुनको लागि आग्रह गरिन् ।

उनले भनिन्–‘किसानहरुको समस्या सधैभरीको लागि समाधान गर्नको लागि भुमिहिन किसानहरुलाई पोत्साहित गर्ने गरी योजना ल्याएका छौ ।’

कार्यक्रममा भुमि व्यवस्थ कृषि तथा सहकारी मन्त्रालयका सचिव यम नारायण देवकोटाले भुमिहिन किसानहरुको लागि प्रदेश सरकारले ल्याएको करार खेतीको विषयमा प्रस्तुती गरेका थिए ।

यस्तै कार्यक्रममा भुमि व्यवस्था कृषि तथा सहकारी मन्त्रालयका योजना तथा अनुगमन महाशाखा प्रमुख उप–सचिव विनोद घिमिरेले भुमिहिन किसानको करार खेती सम्बन्धी कार्यपत्र प्रस्तुत गरेका थिए ।

यस्तै प्रशासन तथा सहकारी महाशाखा प्रमुख उप सचिव श्रीकृष्ण नेपालले सहकारी बजारको विषयमा कार्यपत्र प्रस्तुत गरेका थिए ।

कार्यक्रममा प्रदेश सभा सदस्यहरु ईन्द्रजित चौधरी, रेवती रमण शर्मा, दामा शर्मा, सरस्वती गौतम, लमही नगरपालिकाका प्रमुख कुल प्रसाद केसी लगायतले आ आफ्नो धारणा राखेका थिए ।

अन्तरक्रिया कार्यक्रममा प्रदेश नम्बर १२ का सबै जिल्लाहरुबाट जिल्ला सहकारी संघका अध्यक्ष तथा पदाधिकारीहरु, जिल्ला कृषि सहकारी संघका प्रमुख तथा प्रतिनिधिहरु, जिल्ला स्तरका भुमिहिन कृषिक महासंघका प्रमुख तथा प्रतिनिधिहरुको सहभागीता रहेको थियो ।