काठमाडौ । सहिद दिवसमा यसपटक बिदा छैन । संघ सरकारले सहिद दिवसको बिदा कटौती गरेको छ । सहिद दिवसमा बिदा नदिएको भन्दै सामाजिक सञ्जालमा सरकारको आलोचना भइरहेको छ ।

अरु पर्वहरुमा बिदा दिने प्रदेशहरुले पनि सहिद दिवसमा बिदा दिएनन् । मंगलबार बेलुकासम्म सरकारी निकायले बिदा हुनेबारे औपचारिक सूचना जारी गरेका छैनन् ।
सहिद दिवसमा सरकारले विभिन्न कार्यक्रमहरु भने आयोजना गरेको छ ।

प्रदेश-३ ले गर्‍यो सार्वजनिक विदाको घोषणा
शहिद दिवशको अवसरमा प्रदेश-३ ले सार्वजनिक विदाको घोषणा गरेपनि बाँकी ६ प्रदेश मौन बसेका छन्। प्रदेश- ३ को निर्णयलाई लिएर गृहमन्त्रालयले भने अनविज्ञता व्यक्त गरेको छ।

गृह प्रवक्ता रामकृष्ण सुवेदीले आफुलाई केन्द्रको निर्णय मात्र थाहा हुने बताए। ‘प्रदेशको निर्णय प्रदेशलाई सोध्नुस्, केन्द्रले गर्ने निर्णयमात्र मलाई थाहा हुन्छ’, सहसचिव सुवेदीले भने।

केही सञ्चार माध्यमले भने सुवेदीकै भनाइ उदृत गर्दै प्रदेश-३ को निर्णय काठमाडौँ उपत्यकाभित्र लागू नहुने बताएपछि सार्वजनिक विदाबारे केन्द्र र प्रदेशबीच विवाद रहेको छर्लङ्ग भएको छ। यता प्रदेश-३ ले भने प्रदेशभर सार्वजनिक विदा हुने जनाएको छ।