अर्घाखाँची । मोेटरसाइकल दुर्घटनामा परि अर्घाखाँचीको सितगंगा नगरपालिकाका एक जानाको ज्यान गएको छ ।

सितगंगा नगरपालिका–३ ठाडा बजारटोलाका ३२ वर्षीय नन्दकुमार श्रेष्ठको मोेटरसाइकल दुर्घटनामा हिंजो मृत्यु भएको हो ।

तनहुँको सुक्लागण्डकी नगरपालिका–२ हलेदीमा बा ४ ख ७१० नम्बरको कन्टेनर मिनीट्रकले ना ४७ प ५५१४ नम्बरको मोटरसाइकललाई ठक्कर दिदा श्रेष्ठको ज्यान गएको हो ।

श्रेष्ठको स्थाई घर अर्घाखाँची शितगंगामा भएपनी उनि ४ नम्बर प्रदेश प्रहरी कार्यालयमा प्रहरी जवान पदमा कार्यारत थिए ।

ठक्करबाट गम्भीर घाइते भएका श्रेष्ठको बिपी कोइराला श्वासप्रश्वास उपचार केन्द्र बेलचौतारामा उपचारका लागि लैजाँदै गर्दा मृत्यु भएको तनहुँ प्रहरीले जनाएको छ ।

ठक्कर दिने ट्रक र चालकलाई प्रहरीले नियन्त्रणमा लिएको छ भने श्रेष्ठको शवलाई जिल्ला अस्पताल तनहुँमा पोस्टमार्टमपछि आफन्तको जिम्मा लगाएको प्रहरीले जनाएको छ ।