बुटवल– बुटवलको बसपार्कमा एक युवक मृत अवस्थामा भेटिएका छन् । गुल्मी चन्द्रकोट गाउँपालिका–३ का अन्दाजी ३५ वर्षिय दीपक थापा बसपार्कमा रोकिराखेको बसको छतमा मृत अवस्थामा भेटिएका हुन् ।

लु १ ख ६१३७ नम्बरको गाडीको छतमा थापाको शव सडेको अवस्थामा शुक्रबार प्रहरीले फेला पारेको हो । सो गाडी साउन २ गतेदेखि सोही ठाउँमा पार्किङ गरी राखिएको थियो ।

इलाका प्रहरी कार्यालय, बुटवलका प्रमुख डिएसपी भीमलाल भट्टराईले बसपार्कमा बस्दै आएका थापाको शव फेला परेको जानकारी दिए । ‘शव कुहिएको अवस्थामा फेला परेको छ’ भट्टराईले भने, ‘हत्या हो, या मृत्यु भएको हो अनुसन्धान गर्दैछौं ।’