कपिलवस्तु,
कपिलवस्तुमा चन्द्रौटामा दलितको घरमा पुजा गर्दैनौ भन्दै पुजारी भागेका छन । कपिलवस्तुको शिवराज नगरपालिका चन्द्रौटाका मिलन विश्वकर्माको घरमा  सत्यानारायण पुजा र रुद्री पुजा आयोजना गरेका थिए । पुजा सुरु गरेपछि दलित घर भएको थाहा भए पछि पण्डित भिम प्रसाद आचार्य र गोविन्द भट्टराई पुजा स्थान छोडेर भागेको पिडित मिलन वि।कले बताउनु भयो ।
घरको पुजा गर्ने ठाँउ समेत लिपपोट गरी सफा सुग्घर बनाइएको विहान १० बजे पुजा गर्ने सम्पुर्ण तयारी सिकएको थियो । पुजा गर्ने विधि सुरु हुना साथ पुजारी अनेक बाहान बनाई पुजाघरवाट बाहिर निस्कीएको बि।कले बताउनु भएको छ । धेरै समय सम्म कुरेपछी पण्डित फिर्ता नआएपछी एकाएका पण्डित भागेको खबर बाहिर आयो ।

पुजारी भागेपछी पुजा कार्य केही समय अलपत्र परेको थियो । पुजा कार्य निरन्तरता दिनको लागि स्वर्गद्वरी आश्रम खरेन्द्रपुरबाट पुजारी ल्याई विधिवत रुपमा पुजा सम्पन्न भएको छ
संबिधानमानै जातिय बिभेद गर्नेलाइ कानुनि कारबाहि हुने कुरा उल्लेख हुदा समेत पुजारीले यस्तो ब्यबहार गर्नुगलत कार्य भएको स्थानिय अगुवाहरुले बताएका छन ।

अहिले छुवाछुत अन्त्य भएको छ । यही कसैले यस्तो घृणीत कार्य गर्छ भने कानुनि कार्वाही हुनु पर्ने चन्द्रौटाका सर््थानिय मेनाज खानले बताउनु भयो ।
नेपालमा छुवाछुत भेदभाव लगायतको कार्य गर्नु कानुन विपरित भएपनि अहिलेको अवास्थामा यस्तो हुने निकै निन्दनिय कार्य भएको छ । भागेका पुजारीलाई पक्राउ गरी कानुन बमोजिम कार्वाही हुनु पर्ने राम निवास पुरीले बताउनु भयो ।
आस्थाको कार्य घर पुजामा प्रदेश सभा सद्स्य, वडा अध्यक्ष लगायतको विशिष्ट ब्यक्तिहरूको सहभगीतामै पुजारी भागेको थिए । सो घटनालाई समासुन पार्नका लागि छलफल भैरहे पनि कानुनी उपचार खोज्न पिडित परिवारले नसकेको पिडित विश्वकर्माको भनाइ रहेको छ। यस्तो सामाजिक अपराध गर्नेलाई कानुनी कार्बाही गर्नुपर्ने पिडित परिवारको माग रहेको छ।