बुटवल। नेपाली काँग्रेस तिलोत्तमा नगरसमितिले काँग्रेसको संशोधित विधान बमोजिम तिलोत्तमा नगरपालिका भित्रका हरेक टोलमा पार्टीको टोल कार्यसमिति गठन गर्ने भएको छ ।

नेपाली काँग्रेस तिलोत्तमा नगर कार्यसमिति र वार्ड सभापतिहरूको आज बसेको संयुक्त बैठकले पार्टीको निर्देशन अनुसार नगरपालिकाका १७ वटै वार्डका विभिन्न टोलमा मंसिर महिना भित्रै टोल कार्यसमिति गठन गर्ने निर्णय गरेको हो ।

नगरसमितिले टोल कार्यसमिति गठन गर्ने कार्यमा सहजिकरण गर्न आफ्नो कार्यसमिति सदस्यहरुलाइ बिभिन्न वार्डमा प्रतिनिधिको रुपमा खटाएको नेपाली काँग्रेस तिलोत्तमा नगर सभापति हरिलाल पाण्डेले बताउनुभयो ।

नगर सभापति हरिलाल पाण्डेको अध्यक्षतामा वसेको बैठकले नेपाल राष्ट्रिय मगर संघको जिल्ला सचिवमा निर्वाचित आफ्नो कार्यसमिति सदस्य भाग्यबहादुर काउचालाइ बधाई ज्ञापन गर्नुका साथै पार्टीको भावि योजना तय गरेको सभापति पाण्डेले जानकारी दिनुभयो ।