देवदह-रुपन्देहीको देवदहमा दोस्रो मैत्री कप फुटबल प्रतियोगिता सुरु भएको छ । मैत्री युवा क्लबको आयोजनामा शुक्रबार देखि देवदह–१२ प्रगतीनगरमा प्रतियोगिता सुरु भएको हो । प्रतियोगिताको नेकपा स्थाई कमिटी सदस्य एवम केन्द्रिय सांसद छबिलाल बिश्वकर्माले उद्घाटन गर्नु भएको हो । प्रतियोगिताको शुभारम्भ गर्दै नेता बिश्वकर्माले यस्ता प्रतियोगिताहरुले खेलाडी उत्पादनमा महत्वपुर्ण भुमिका खेल्ने बताउनु भयो । उहाले आगामी दिनमा खेल क्षेत्रको बृहत्तर विकासका लागि आफुले सक्ने पहल गर्ने प्रतिवद्धा जनाउनु भयो ।

सोही कार्यक्रममा बोल्दै प्रदेश सांसद डा.कृष्ण न्यौपानेले खेल क्षेत्रले राष्ट्रलाई परीचित गराउन मद्धत गर्ने बताउनु भयो । खेल क्षेत्रमा लागेका युवाहरु असल हुने भएकाले विकृती रहित समाज निर्माण गर्न खेल क्षेत्रको महत्वपुर्ण भुमिका हुने बताउनु भयो । प्रतियोगितामा कुल १५ टिमको सहभागिता रहेको छ । प्रतियोगिता प्रथम हुनेले ५० हजार , द्धितिय हुनेले ३० हजारका साथै मेडल शिल्ड र प्रमाण पत्र प्राप्त गर्नेछन ।