बुटवल ।
सत्तारुढ दल नेकपाको भातृ संगठन अनेरास्ववियुको नेतृत्वमा अनेरास्ववियुका विद्यार्थीहरुलेआज बुटवलमा विरोध प्रदर्शन गरेका छन ।नेपालको भूभागलाई भारतले आफ्नो नयाँ नक्सामा समावेश गरेको भन्दै विरोध प्रदर्शन गरेका हुन ।
अनेरास्ववियुका विद्यार्थीहरुले गो ब्याक इन्डिया, भारतिय विस्तारवाद मुर्दावाद, हाम्रो भुमि फिर्ता गर, लिपुलेक कालापनी र लिम्पियाधुरा हाम्रो हो, मिचिएको हाम्रो भूमि फिर्ता गर जस्ता नारा लेखिएका पर्चा पम्पलेटसहित प्रदर्शन गरेका थिए ।
प्रर्दशनमा कालिका महाज्ञान मावि र नवीन औद्योगिक कदर बहादुर रीता मा.वि का अनेरास्ववियु विद्यार्थीहरुको समेत सहभागिता रहेको थियो ।
लुम्बिनी वाणिज्य क्याम्पस देविनगर बाट शुरु भएको प्रर्दशन राजमार्ग चौराह हुदै मिलनचोकमा आएर कोणसभामा परिणत भएको थियो ।
कोणसभामा बोल्दै अनेरास्ववियु लुम्बिनी वाणिज्य क्याम्पसका इन्चार्ज तथा अनेरास्ववियु जिल्ला सदस्य प्रकाश पराजुलीले नेपालको एक इन्च भूमि पनि भारतीय पक्षले मिच्न नपाइने भन्दै नेपाको भुमी तत्काल नेपाललाइनै फिर्ता गर्न आग्रह गर्दौ अन्यथा नेपालीहरु पनि अब चुपलागेर नबस्ने बताउनुभयो ।
अनेरास्ववियु जिल्ला सदस्य दिपक चापगाई सचिव साजन भण्डारी अनेरास्ववियु केन्द्रिय सदस्य सरोज पोख्ररेल, अखिल क्रन्तिकारीका लुम्बिनी वाणिज्य क्याम्पसका सचिव विराज चालिसे लगायत बोलेका थिए ।